ಬಿ೦ಬ....
ಹೊಳೆವ ಗಾಜಿನ ಒಳಗೆ
ಭಾವರೂಪದ ಬೆಸುಗೆ
ಮತ್ತೆ ಇಣುಕುವ ಹಾಗೆ
ತುಡಿವ ಮೋಹ ಬಿದಿಗೆ!
ವಿಷಾದ ವಿನೋದ ನಿನಾದ
ಅಪ್ಪುವುದು ಜಗದ ಬ೦ಧ
ತಡೆಯಲ೦ದುಕೊ೦ಡರೆ
ತೆರೆಗಳಿಲ್ಲದ ಕಿನಾರೆ!
ಕನ್ನಡಿಯಲ್ಲಿನ ಬಿ೦ಬದಲ್ಲಿ
ಹಬ್ಬಿಹೋಗಿದೆ ಬಾಳ ಬಳ್ಳಿ
ಸೆಲೆಯ ಹುಡುಕಿಹ ಕವಲು
ಬಿದ್ದಿದೆಯಲ್ಲೇ ರಸದ ನೆಳಲು
ಬದಲಿಸಿದರೂ ಕನ್ನಡಿಗಳ
ಬಿ೦ಬ ಮಾತ್ರ ಒ೦ದೆಯಲ್ಲ!
ಆಕಾರ ಆಗಬಹುದು ವಿಕಾರ
ಕಾಣುವ ಕಣ್ಣಿಗೆ ನೂರು ತರ
ಬಿ೦ಬ ತೋರೆ ಕನ್ನಡಿಗೆ ಬೆಲೆ
ಇಲ್ಲದಿರೆ ಬರಿಯ ಗಾಜಿನ ಬಲೆ!
ಒಡೆವವರೆಗೆ ಒ೦ದು ಕನ್ನಡಿ
ನ೦ತರ ಬೇರೆಡೆಗೆ ಬಿ೦ಬದಾ ಅಡಿ...!!
~‘ಶ್ರೀ’
ತಲಗೇರಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ