ಎತ್ತ ಕಡೆಗೆ ಬಾಳಬ೦ಡಿ?!
ಈ ಬಾಳ ಬ೦ಡಿಯಲಿ
ಯಾರು ಸಾರಥಿಯೋ?
ಯಾರು ರಥಿಕನೋ?
ಯಾರು ರಥವನೆಳೆವ ಶಕ್ತಿಯೋ?
ಅನುದಿನವೂ ಸಾಗುವುದು ಹೊಯ್ದಾಡುತಲಿ!!
ಯಾರೆಡೆಗೆ ಸಾಗುತಿಹುದೋ?
ವಿಧಿಯು ನೀಡಿದ ಗುರಿಯ ಕಡೆಗೋ?
ಒಮ್ಮೆ ಓಡುವುದು;ಮತ್ತೆ ನಿಲ್ಲುವುದು
ಮರೆತ ಬಲದ ಎಳೆತವಿಹುದೋ?
ಯಾವ ಜೀವವ ಪೊರೆವುದೋ?
ಯಾರ ಕನಸಿನ ಮೂಟೆಯಿಹುದೋ?
ಯಾರ ಪ್ರೀತಿಯ ಸೆಳೆತವಿಹುದೋ?
ಅ೦ತರ೦ಗವು ನಡೆಸಿದ೦ತೆ ನಡೆವ ಬದುಕಿದು!!
ಬದುಕು ಸಾಗಲು;ಮುಕ್ತನಾಗಲು
ಭರವಸೆಯಿಹುದು ಒಡೆಯನಲ್ಲಿ!
ಮಣ್ಣ ಕಣ ಕಣ;ನಿತ್ಯ ಜೀವನ
ಸ್ಪರ್ಶಿಸಲು ಮಿತಿಯಿರದ ಚೇತನ!!
ಇತ್ತ ಭೂಮಿಗೋ;ಅತ್ತ ಬಾನಿಗೋ
ಹೊತ್ತು ಸಾಗುತ ಭಾರವನೆತ್ತಲೋ!
ವಿಧಿಯು ಕರೆದಾ ದಿಗ್ದಿಗ೦ತಕೆ
ಸ್ಫೂರ್ತಿ ತು೦ಬೋ ಪ್ರೀತಿ ಜಗಕೆ!!...
~‘ಶ್ರೀ’
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ