"ವಿಸ್ಮಯ"....
ಕಟ್ಟಿರುವ ಪ್ರತಿ ಗೋರಿಗೂ
ಭೂತಲೋಕದ ಕತೆಯಿದೆ
ಹಬ್ಬಿರುವ ಪ್ರತಿ ಬಳ್ಳಿಗೂ
ಕರಗೋ ಕಾಲನ ನೆನಪಿದೆ!
ಬೆಳೆವ ಬಳ್ಳಿಗೂ
ಸರಿದ ನೆರಳಿಗೂ
ವರ್ತಮಾನವೇ ಕೈಸೆರೆ!
ಸನಿಹ ಸಂಭ್ರಮ ವಿರಹ ವಿಭ್ರಮ
ಎಲ್ಲ ಚೆಲುವಿಗೂ
ಪ್ರೀತಿಯೊಂದೆಯೇ ಆಸರೆ!
ಸತ್ತಿರುವ ಪ್ರತಿ ರಾತ್ರಿಗೂ
ಸೂರ್ಯ ಹುಟ್ಟದ ವ್ಯಥೆಯಿದೆ
ಅತ್ತಿರುವ ಪ್ರತಿ ಕಣ್ಣಲೂ
ತಂಪು ಚಂದ್ರನ ಸುಳಿವಿದೆ!...
ಮರಳಿ ಬರೆಯುವ
ಸುರುಳಿ ರೇಖೆಗೆ
ಸ್ಪರ್ಶವೊಂದೆಯೇ ಸಾಕಿದೆ!
ಪರದೆಯೊಳಗೆ ಮೂಕ ಹೆರಿಗೆ
ಪರಿಧಿ ಬಿರಿಯಲು
ಸಾವೇ ಹೆದರಿದೆ ಕಾಂತಿಗೆ!!...
~‘ಶ್ರೀ’
ತಲಗೇರಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ