"ಹನಿಗಳಿಗೆ ಮಾರಿಬಿಡು"...
ಏಕಾಂತದ ಬಿಸಿಯುಸಿರ
ನೀ ಕರೆಯದಿರು ಮೌನ
ತಂತಾನೇ ಎದೆಯೊಳಗೆ
ಹುಟ್ಟಿಕೊಳ್ಳಲಿ
ಹೆಸರಿಲ್ಲದಾ ಕವನ!
ಮಾತಿಲ್ಲದಾ ಮನಸುಗಳ
ನೀ ತೊರೆದುಬಿಡು ಮೌನ
ಮುಂಜಾನೆ ಮಂಜೊಳಗೆ
ತಬ್ಬಿಕೊಳ್ಳಲಿ
ಮುನಿಸಿಲ್ಲದಾ ಪವನ!
ಅವಳ ಜೊತೆ
ನಡೆದ ಹೆಜ್ಜೆಗಳೆಡೆಗೆ
ಮತ್ತೆ ಇಣುಕದಿರು ಮೌನ
ನವಿಲು ಗರಿಯ
ಬಣ್ಣಗಳಿಗೆ ಹಚ್ಚದಿರು
ಮಾಸಿಹೋಗುವ ಜೀವನ...
ಅಲೆಯ ಸಾಲೇ
ಬಡಿದ ತೀರಗಳಲಿ
ಹೆಸರ ಹುಡುಕದಿರು ಮೌನ
ಸರಿವ ನಾವೆಯ
ಬೆನ್ನುಗಳಿಗೆ ಅಟ್ಟದಿರು
ಇಡಿಯ ನಾಳೆಯ ಜನನ!
ಸುರಿವ ಜಡಿಮಳೆಯ
ಹನಿಗಳಿಗೆ ಮಾರಿಬಿಡು
ಕಳೆದ ನೆನಪುಗಳ ಕವಲ..
ಸೆರೆಯ ಅರಮನೆಯ
ಬಾಗಿಲನು ದಾಟಿಬಿಡು
ಬರೆದು ಮೌನ ಸಹಿಯ ನೆರಳ...
~‘ಶ್ರೀ’
ತಲಗೇರಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ