"ಮೆರಗಿನ ಡೇರೆಯೊಳಗೆ"...
ಬರೆದುಬಿಡು ಮೌನ ನಿನ್ನ ಪ್ರೀತಿಯ ಹಾಡು
ಬಿರಿದ ಎದೆಬದಿಯ ನಲ್ಮೆಯಾ ಗೂಡು
ಮರೆತುಬಿಡು ಅವನ ಕಣ್ಣ ಬೆಳಕಿನ ಧ್ಯಾನ
ಅರಿತು ನೀನೇ ಹೃದಯದ ಒಲ್ಮೆಯಾ ಕವನ
ಅರಳೋ ನೆರಳಿನ ಪ್ರೀತಿಯೊಳಗೆ
ಕೊಳಲ ದನಿಯ ಮೌನ ಬೆಸುಗೆ
ಬರೆಯೋ ಒಲವಿನ ರೇಖೆಯೊಳಗೆ
ಹರಡಿ ನೆರೆದ ಬಿಂದು ಮಳಿಗೆ!
ಮರಳಿ ಬೆರೆಯುವ ನಿನ್ನೆಗಳಿಗೆ
ನೆನಪ ನೋವಿನ ದಿವ್ಯ ಲೇಪನ
ಮಿಡಿವ ಸ್ವರಗಳ ಸಾರದೊಳಗೆ
ಸುರುಳಿ ಕನಸಿನ ಭವ್ಯ ತನನನ...
ಬೆಸೆದ ಮನಸಿನ ಮಡಿಕೆಯೊಳಗೆ
ಹೆಸರ ಕೊರೆಯುವ ಸಣ್ಣ ಯೋಚನೆ
ಉಸಿರ ಮೆರಗಿನ ಡೇರೆಯೊಳಗೆ
ಬೆಳಕು ತುಂಬುವ ಚೆಂದ ಕಲ್ಪನೆ...!!
~‘ಶ್ರೀ’
ತಲಗೇರಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ