"ಅದ್ವೈತ"
ಆಗ ತಾನೇ ಮಿಡಿವ ಕನಸಿನಲ್ಲಿ
ಬರಲೇ;ನಾನು ಆಗಂತುಕ..
ಬೀಗವಿಟ್ಟ ಎದೆಯ ಕೋಣೆಯಲ್ಲಿ
ಒಲವು,ಕಡಲಂತೆ ಭಾವುಕ..
ಕನಸ ಬಣ್ಣ ನೂರು ರಾಶಿ
ಬಿಳಿಯ ಪರದೆ ಹಾಗೇ ಹಾಸಿ
ಚೆಲ್ಲಲೇನು ಗಂಧ ಸೂಸಿ
ಬಿಟ್ಟುಬಿಡದೆ ಒಲವ ಹೂನಗೆ..
ಹಸಿರು ನಿನ್ನ ಒಲವ ಬಳ್ಳಿ
ಹಬ್ಬಿಕೊಳಲಿ ಹಾಗೇ ಸುರುಳಿ
ಕಾಯುವೆನು ಜತನದೊಡನೆ
ಒಣಗಗೊಡದೆ,ಖುಷಿಯ ನಾಳೆಗೆ..
ಮೊದಲ ಭೇಟಿ ಅದರ ಧಾಟಿ
ಹೊಸತು ಸ್ವರದ ಕಾವ್ಯ ಮಿಲನ
ಮೀಟಲೇನು ಎದೆಯ ತಂತಿ
ನಿಲ್ಲಗೊಡದೆ ರಾಗಮಾಲಿಕೆ..
ಬಳಿಯೆ ಸುಳಿಯಲೆ
ಹಿತದ ಅಲೆಯಾಗಿ ನಾನು ಸೋಕುತ..
ಬಿಂದು ಬಿಂದು ಬೆರೆಯಲು
ಒಂದೇ ನೆರಳಾಗಿ ಪ್ರೀತಿ ಅದ್ವೈತ..
~"ಶ್ರೀ"
ತಲಗೇರಿ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ