"ಹುಡುಕುತಿಹೆ ನನ್ನ ನೆರಳನೇ"...
ಕತ್ತಲಿನ ಛಾಯೆಯಲಿ
ಹುಡುಕುತಿಹೆ ನನ್ನ ನೆರಳನ್ನು
ಕತ್ತರಿಯ ಅಂಚಿನಲಿ
ಮಿನುಗುತಿದೆ ಹೊಂಬೆಳಕೊಂದು!..
ಒಲವ ನೀರ ದಾಹದಲಿ
ಉಸಿರು ಕುಸಿದು ಕೂತಿದೆ
ಕವಲು ಗಾಮಿನಿ ಬಿರಿಯಲು
ಕವಲು ಕವಲು ಒಲವಿದೆ
ಬದಿಯ ಮರದ
ನೆಳಲ ಮಳಲಿನಲ್ಲಿ
ಹುಡುಕುತಿಹೆ ನನ್ನ ನೆರಳನೇ..
ಇರುಳ ಒಂಟಿ ದಾರಿಯಲ್ಲಿ
ಹೆಸರು ಮಾತ್ರ ಜೊತೆಯಿದೆ
ಅರಳೋ ಮನದ ಬೀದಿಯಲ್ಲಿ
ತಮದ ತೆವಲು ತೇಲಿದೆ
ಬದಿಯ ಮರದ
ನೆಳಲ ಮಡಿಲಿನಲ್ಲಿ
ಹುಡುಕುತಿಹೆ ನನ್ನ ನೆರಳನೇ...
~‘ಶ್ರೀ’
ತಲಗೇರಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ